Biography

لەساڵی (١٣/١٠/١٩٩٤)و سەرەتا لە زانکۆی دهۆک وەک مامۆستاى زمان و ئەدەبى كوردى دەستبەکار بووم تاساڵی(٢٠٠١) , لە (٢٢/١٠/٢٠٠١) خزمەتی زانکۆیم  بۆ زانکۆی سەڵاحەددین گواستەوەو لەکۆلێژی مامۆستایان وەک مامۆستای ئەدەبی کوردی ورەخنەى شيعریي دەستبەکاربووم , هەر لەسەرەتاوە لەگەڵ كردنەوەى كۆلێژەكەمان لەساڵی (٢٠٠١) بەوانەى كوردۆلۆجى وپاشان (رێبازى لێكۆڵينەوە)و لەگەڵ (كێشناسى وديراساتى كوردى) دەستم پێكردووە , بەڵام لەساڵانى دواييدا واتە لەساڵى(2010)ەوە (رێبازە ئەدەبييەكان) لەقۆناغى دووەم و (رێبازى لێكۆڵينەوە) لە قۆناغى يەكەم دەڵێمەوە , لەساڵی خوێندنی (2018 - 2019)یش وانەى(ئەدەبى نوێ و هاوچەرخ) لەقۆناغى سێیەم بۆ خوێندنی ئێواران گوتووەتەوە , ئەمە سەربارى ئەوەى كە بابەتی (کتێبخانەو رێبازى لێكەڵينەوە) لەقۆناغی یەکەم بۆ قۆناخی سێیەم بۆساڵى (٢٠٢٠-٢٠٢١) دەگوازرێتەوە پێشتر بۆماوەى(14)ساڵ ئەم بابەتەم لەقۆناغى يەكەم وسێيەم گوتووەتەوە ، جگە لەوەی کەدوو ساڵیشە لەسەر یەک (رێبازى لێكەڵينەوە) بە قوتابیانی ماستەری زمان دەڵێمەوە ، پاشان ساڵی(٢٠١٩-٢٠٢٠) بابەتی (ئەدەبی کلاسیک)م لەکۆرسی یەکەمی ماستەری ئەدەب گوتەوەو بابەتی (ئەدەبی جیهانیش)م لەکۆرسی یەکەمی دکتۆرای ئەدەب گووتەوە ، لەگەڵ ئەوەشدا بابەتی (رێبازە ئەدەبیەکانی جیهانی) لەکۆرسی دووەمی ماستەری ئەدەب بۆ ساڵی (٢٠٢٠)م گوتەوە ، لەساڵی خوێندنی(٢٠٢٠ -٢٠٢١)یش جگە لەبابەتەکانی پێشتر، فەلسەفەی ئەدەبیشم بەقوتابیانی دکتۆرا گووتەوە  سەرباری ئەمانە  چەندین وتارو لێکۆڵینەوەی ئەدەبی ورۆشنبیریشم لەرۆژنامەو گۆڤارە زانستی و گشییەکان بڵاوکردۆتەوە ، لەگەڵ بڵاوکردنەوەی دوو کتێبی ئەکادیمیش .